என்னை அறிந்தவள்

உன்னை காதலிக்கவும் வைக்கின்றாய்
சில நேரங்களில் உன்னை
வெருக்கவைக்கவும் செய்கின்றாய். . .
உன்னை கேள்வி கேட்பதுமுறையல்ல. . .
என்னை ஆட்டுவிக்கும் வித்தையை
எப்படித்தான் கற்றுக்கொண்டாயோ. . .

என் சுவாசமே

காற்றை சுவாசிக்கின்றேனா?
காதலைச் சுவாசிக்கின்றேனா?
நீ நடந்து சென்ற
தெருவெங்கும்
உன் சுவாசமே
நிரம்பியிருக்கின்றன. . .

பிரிவிலும் காதல்

உன்னிடம் சண்டையிட்டு

பிரியும் ஒவ்வொருமுறையும்

உன்னை காதலிக்கத் தொடங்கிய

அந்த முதல் நாளிற்கு சென்றுவிடுவேன். . .

உன்னை ஒவ்வொருமுறை

காதலிக்கும் போதும்

புதியதாகவே தெரிகின்றது

காதல். . .

வித்தை சொல்லடி

உன்னை எப்படி நான்
கடத்திச் செல்வது. . .
உன் நிழலையே
கடந்து செல்ல துணிவு இல்லாத
என் மனதுக்கு. . .
எப்படிக் கற்றுக்கொடுப்பேன்
உன்னை தூக்கிச்செல்லும் வித்தையை. . .

எப்படிச் சொல்வேன்

என் இதயம்
தீ பற்றி எரிகிறது. . .
உன்னைக் கேட்டு. . .
அதனிடம் எப்படிச் சொல்வேன்
எரிகின்ற நெருப்பில்
எண்ணெய் ஊற்றுவதே
நீ தான் என்று. . .

காதலன்

யாவரும் இருக்கும் நேரம்

நான் உன் நினைவுக்கு வந்தால்

நான் சாதாரணமானவன். . .

எவருமே உனக்கில்லாத நிலையில்

நான் உன் நினனவிற்கு வருவேன்

நான் அசாதாரணமானவான். . .

கண்ணீர் சுவடுகள்

காதல் சென்ற
சுவடுகளைத் தேடிப்பார்த்தேன்
அங்கே கண்ணீர்த்துளிகளின்
தடையங்கள் மட்டுமே
மிஞ்சிக்கிடக்கின்றன. . .

முதல் வார்த்தை

நீ எவ்வளவு நேரம் வேண்டுமானாலும்
என்னிடம் பேசு. . .
இதுவரை உன் நினைவுகளால்
மட்டுமே நிரம்பிவழிந்த
என் மனது இன்று
உன் வார்த்தைகளாலும்
நிரம்பி வழியட்டும். . .

உன்னைப் பிடிக்கும்

நீ எனக்கு
என்ன தண்டனை வேண்டுமானாலும்
கொடுத்துக்கொள். . .
உன்னை எனக்கு பிடிக்கும்
என்பதை - உன்னிடம்,
உன்னை எனக்குப் பிடிக்கும்
என்று சொல்வதைவிட
வேறு எப்படி என்னால்
சொல்ல முடியும். . .

எடுத்துச்செல்லடி. . .

உன் காலில் விழுவதே
பழகிப் போனது எனக்கு
உன் காலடியில் துடிக்கும்
என் இதயத்தை
என்றாவது எடுத்து விடலாம்
என்று முயற்சிக்கின்றேன். . .
இருந்தும் முடியவில்லை. . .

திறவாத கண்கள்

காலவரையற்ற வேலை நிருத்தம்
செய்கின்றன கண்கள். . .
இன்று உன்னைப் பற்றிய
கனவுகள் ஆதலால்
மூடியே கிடக்கின்றன அவைகள். . .
விடிந்தும் கூட திறவாமல். . .

அவளே உலகம்

காதலில் விழுந்த பின் இதயம் தான்
தொலைந்து போகும் என்பார்கள். . .
என்னவள் உடனிருக்கையில்
என்னைச் சுற்றிய உலகமே
தொலைந்து போய்விடுகின்றது
எனக்கு. . .

காதல் காலம்

அன்று காதலை எனக்குள்
கட்டவிழ்த்து விட்டவள் நீ. . .
இன்று அதை கட்டுப்படுத்த முடியாமல்
தவித்துக் கொண்டிருக்கின்றேன் நான். . .

காதலே வரம்

உன்னை காதலிப்பதையே வரம்
என நினைக்கின்றேன் நான். . .
கடவுளைத் தொழும் பக்தன் போல
காதலைத் தொழும் பித்தன் நான். . .

முடிவில்

கண்களை மூடி யோசித்துப் பார்
உன் நினைவுகளுக்குள்
நான் இல்லை என்றால். . .
என் மூச்சுக்காற்று கூட
உன் நுரையீரல் தீண்டாது. . .

பிரம்மிப்பானவள் நீ

பிரம்மிப்பானவைகளைப் பார்த்தால்
ஒரு நிமிடம் மூச்சு நிற்குமாம்
உன்னையே பார்த்துக் கொண்டிருந்தால்
நான் மூச்சுவிடவே மறந்துவிடுவேனோ
என்ற பயம் எனக்கு. . .

என்றும் என் நினைவில்

என் இதயம் சுமந்தவளே
எனக்காய் அழுதவளே
இன்னல் பல இருந்தும்
என் எண்ணம் புரிஞ்சவளே. . .

மனசு கனக்குதடி
மதிகலங்கி சுத்துதடி
உசிரு துடிக்குதடி - தினம்
உன்னினைவாலே சாகுதடி. . .

மாய வலை விரிச்சு
மரகதமே உன்ன கொண்டுசெல்ல
ஒத்தக்கல்லு கோபுரமாய் நானும்
ஒடஞ்சு போய் நின்னேன்டி. . .

மனுசனா என்ன மாத்தியவளே
மனசுன்னா என்னானு காட்டியவளே
காலம் மாத்திப் போனாலும் - என்
காதல் மாறிப் போகாதடி. . .

காதல் ஒளி

வெளிச்சம் தெரியா சாலையில்
நீ என் கைகளைப் பற்றிக்கொண்டு
என் தோல் மீது தலை
சாய்ந்து நடக்கையில்
எனக்குள் இருந்த பயம்
தொலைந்து போனதோ இல்லையோ. . .
அங்கே காதல் ஒளிர்ந்துவிட்டது. . .

மறுபக்கம்

எனது மறுபக்கம்
தெரியுமா உனக்கு
என்று கேட்கின்றாய். . .
உனது முதல் பக்கத்தையே
முழுவதுமாய் படிக்காத
நான் எப்படி
உன் மறுபக்கத்தை
பற்றிச் சொல்லமுடியும். . .

முட்டாள் பெண்னே

சின்னதொரு விஷயம் என்றாலும்
படபடத்துக்கொள்வாய் - அன்பே
உன் இதயத்துடிப்பின் வேகத்தை
என் இதயம் வலிப்பதிலிருந்தே
புரிந்துகொள்ளவேன். . .

புரிந்து"கொள்"ளடி

நீ எட்டி
உதைத்தாலும்
உன் கால்களையே
சுற்றிவரும்
ஒரு குட்டி நாயடி
என் காதல். . .

காதல் பரிசு

உன்னை என் மார்புமேல் படுக்கவைத்து

உன் தலை கோதி

உறக்கத்தின் தேவதையை பரிசாக

உனக்களிக்க ஆசை எனக்கு. . .

இப்படியான பல எதிர்பார்ப்புகளுடன்

நான் உறங்கக் கிடக்கையில்

என் உறக்கத்தின் தேவதையை

பரிசாய் எடுத்துக்கொண்டவள் நீ. . .

                                                      அன்பே அது தான் நீ

                                                      எனக்குத் தந்த காதல் பரிசு. . .

உயிர்ச்சேதம்

கர்ப்பம் கலைந்துவிட்ட
பெண்ணாய் நான்
நீ என் காதலை
கைவிட்டபின். . .

காதல் மயக்கம்

தினமும் காலை ஒரு குவளை
மது அருந்துகின்றேன். . .
ஆம் அது
உன் இதழ் தொட்ட
தேநீர் . . .

உனக்காக. . .

ஒரு நொடியில் ஒரு கவிதையும்
ஒரு நிமிடத்தில் ஒரு காவியமும்
படைத்திடுவேன் - அன்பே
நீ இல்லாத அந்த ஒரு நொடியும்
ஒரு நிமிடமும் - எனக்கு
பல யுகங்களை கொடுப்பதனால். . .

சாபவிமோட்சனம்

நீ உண்ட பிறகே
நான் உண்பேன்
உன் தட்டில். . .
மோட்சத்தை தவரவிட்ட
பருக்கைகளுக்கு
சாபவிமோட்சனம் கொடுக்க. . .

மோட்சம்

மஞ்சள் நிற தாவணியே

உன் மேனி

தொட்ட பிறகுதான்

மங்களகரமாய் மாறுகின்றது. . .

கண்கள் சொன்ன கவிதை

ஆயிரம் வார்த்தைகள் அழகாய்
உன் கண்கள் பேச
அவசர அவசரமாய்
அதை என் கண்கள் படிக்க
அத்தனையும் ஒரு கவிதை
அந்த அரை நொடிக்குள். . . .

புகைப்படம்

உன்னிடம் எத்தனைமுறை தான்
என் காதலைச்சொல்வது
சரிதான் உந்தன் புகைப்படம்
மட்டும் என்ன பேசவாபோகின்றது. . .

அழகே!

விண்மீங்களுக்கு இடையில்
உன்னைப் பார்த்தால்
ஒளிர்வது நீயா. . .?
இல்லை விண்மீங்களா. . .?
என்பதிலேயே பெருத்த
சந்தேகம் வந்துவிடுகின்றது
எனக்கு. . .

அதிசயம்

இமைகளுக்கு இடையில்
சுழலும் ஓர்
அதிசய உலகம். . .
உன் கண்கள். . .

நீயே சொல்

எத்தனையடி உயரத்திற்கடி

அணை கட்ட 

என் இதயத்தில் 

நிரம்பி வழிகின்றது 

உன் காதல். . .

வானம் தொட்டு

நீ கவிதை கேட்டால்

வார்த்தைகள் பத்தாதடி - தமிழில்

வானம்வரை நீண்டு விடுகின்றது

உன்னைப் பற்றிய கற்பனைகள் 

என்னுள். . .

அட்சயப்பாத்திரம்

உனக்கு மட்டும் 

அட்சயப்பாத்திரம்

நான். . .

நீ என்ன கேட்டாலும் 

கிடைக்கும். . .

என் உயிரையும்

சேர்த்து. . .

காதல் ஞானி

என்னைச் சுற்றி
ஒளி வட்டம் இருக்கின்றதா?
என்பது எனக்குத் தெரியாது. . .
என்னைச் சுற்றி
உன் நினைவுவட்டம் இருக்கின்றது
என்பது மட்டும் எனக்கு
நன்றாகத் தெரியும். . .

கவலையில்லை

விண்மீங்கள் வீழ்வதைப் பார்த்தால்
மறதி ஏற்படுமாம். . .
உன்னை மட்டுமே
நினைவில் வைத்திருக்கும்
என் கண்முன்னே
ஒரு விண்மீன்
விழுந்தால் என்ன?
ஓராயிரம் விண்மீன்
விழுந்தால் என்ன?

கைவிட்டுவிட மாட்டாயே

24 மணி நேரமும்
உன்னைப் பற்றிய சிந்தனைதான்
நிகழ்காலத்தின் அத்துனை
நிமிடங்களிலும் நீயிருக்கும் போது
எதிர்காலத்தில் மட்டும்
எப்படி வேறு ஒருவர்
வந்துவிட முடியும். . .

காலங்கள் கடந்துவிட்ட காதல்

காலங்கள் கடந்துவிட்ட
காதல், நம் காதல்
என்ற வாக்கியத்தை
வார்த்தைகள் மாற்றி
போற்றுவிட்டாயடி. . .
மறந்துவிடு என்றபின்
செத்துவிட்ட என்
நினைவுகளிலும்
துடித்துக் கொண்டிருக்கின்றதடி
நம் காதல். . .

தொட்டால் சிணுங்கி

தொட்டால் சிணுங்கி
இலையைத்தான் பார்த்திருக்கிறேன். . .

அன்பே உன்னில்தான்
தொட்டால் சிணுங்கும்
மலரை பார்க்கின்றேன். . .
நான் கடிந்து
பேசும்போது சுருங்கி
பின்பு அது
பொய்யென தெரிந்ததும்
மலர்வதை
உன் முகத்தில்தான்
பார்க்கின்றேன். . .

கண்டுகொண்டாய். . .

என் இதயத்திற்குள்
தான் எத்தனை
அறைகள். . .
ஒன்றிலாவது ஒழித்து
வைத்துவிடலாம் என்று
பார்க்கின்றேன். . .
என் காதலை
இருந்தும் முடியவில்லை. . .  

என்றும். . .

உன்னைப் பற்றி
சிந்திக்காமல் என்னால்
இருக்க முடியாது. . .
என் இதயத்துடிப்பு
நின்று விட்ட
நாட்களில் கூட. . .
என் மரண ஓலம்
உனைப் பற்றிய
பாடல் பாடும். . .

பூவே. . .

எத்தனை முறை
தொட்டுப் பார்ப்பது. . .
பூ தோற்று
போகின்றது உன்தன்
மென்மையில். . .

S P B

நான் பாடுவது

பிடிக்காது - என்றாய்

S P B மேல் 

கோபம் வந்தது

எனக்கு. . .

பார்க்காதே

என்னை கொள்ளாமல்
என் மனதை மட்டும்
காயப்படுத்திவிட்டு
போகிறதே. . .
உன் கண்களில்
இருந்து வரும்
மின்னல். . .

புவி நட்சத்திரம்`

நட்சத்திரங்களை நான்

காலையிலும் பார்க்கின்றேன்

அன்பே 

உன் கண்களில் தான்

எவ்வளவு வெளிச்சம். . .

காதலன் ஆகிறேன்

நான் காதலிக்க

ஆரம்பித்துவிட்டேன். . .

கவிதை எழுதுவதால் அல்ல. . .

உன் கண்கள்

சொல்லும் வார்த்தைகளை

படிக்க கற்றுக்கொண்டதால். . .

அலையின் ஏக்கம்

உன் பாதங்களை
தொட்டுச் செல்லும்
கடல் அலைகள்
கண்ணீர்விடுகின்றன. . .
இந்த மண்னைப் போல
உன் பாதங்களை
எப்பொழுதும் தழுவ
முடியவில்லையே என்று. . .

எனக்கே

சிரித்தும் கேட்டுவிடாதே
அழுதும் கேட்டுவிடாதே
அவள் அழகை. . .
நிலவே
அவளின் அனைத்தும்
எனக்கு மட்டுமே
சொந்தம். . .

மறவாதே கண்மணியே

நீ வாசல் காதவுகளை
மூடியதற்கே வழிமாறி
நடக்கின்றேன் நான். . .
தயவுசெய்து உன்
இதயக் கதவுகளையும்
இதைப்போல் மூடிவிடாதே
கல்லறையில் போய்
ஒழிந்துகொள்வேன் நான். . .  

காதல் வீதி

எனக்குப் பிடித்தவற்றை
எல்லாம் கடையில்
வாங்கிவிடுகின்றேன். . .
காதலும் விற்பனை
பொருளாக இருந்திருந்தால்
நான் தற்கொலைக்கு
முயற்சி செய்திருக்கமாட்டேன். . .